E Maraviyanan di Creacion Ta Revela e Gloria di Dios

Hopi hende gusta admira e bunitesa di creacion. Pero poco di nan ta realisa cu loke nan ta mira ta un refleho di e pensamento- y sintimentonan di nos Gran Creador. (Rom. 1:20) Den pasado, David a siña conoce Jehova pa medio di Su Palabra inspira. Pero tambe el a “contempla” y hala mas cerca Jehova pa medio di e creacion. (Sal. 8:3, 4) E DVD titula E Maraviyanan di Creacion Ta Revela e Gloria di Dios por yuda nos tur y tambe nos studiantenan di Bijbel hala mas cerca Jehova. E ta siña nos mas tocante su creacion, su cualidadnan y ki clase di Dios nos Gran Creador ta. Despues di wak e DVD, purba contesta e siguiente preguntanan.

(1) Con e dimensionnan y ordo cu tin den universo ta laga bo haya mas aprecio pa Jehova? (Isa. 40:26) (2) Ora nos analisa e composicion di awa, kico nos por siña tocante Dios? (Rev. 14:7) (3) Con e tamaño di tera y su distancia for di solo ta mustra cu Jehova tin sabiduria? (4) Kico lo pasa si luna no tabata existi? (Sal. 89:37) (5) Kico Dios a duna nos pa nos por disfruta di bida? (6) Kico ta DNA y kico ta su funcion? (Sal. 139:16) (7) Kico ta haci hende diferente for di tur otro creacion di Jehova riba tera? (Gen. 1:26) (8) Kico bo tin gana di haci den e mundo nobo?

Riba e Parti Adicional: (9) Kico ta haci posibel cu nos por mira color? (10) Con awa por vence forsa di gravedad pa yega den top di palo? (11) Ki funcion awa tin den nos curpa? (12) Duna algun ehempel cu ta mustra e cooperacion cu tin entre cosnan bibo. (13) Con cada criatura por sa con pa cera combenio cu otro? (14) Kico hende ta yama e “angulo di oro” y con e ta bisto den creacion?

Observa Jehova Su Creacion Bon: Hesus ta anima nos pa “observa e parhanan di cielo bon” y “siña un les for di e manera cu e flornan di mondi ta crece.” (Mat. 6:26, 28) Si nos sigui su conseho, nos fe lo bira mas fuerte, nos lo siña confia den Jehova y nos lo haya mas aprecio pa su sabiduria, su poder di salba y su amor. En bes di laga e obranan di e mundo aki distrai nos, laga nos saca tempo y haci esfuerso pa observa e maraviyanan di Jehova su creacion y medita riba loke nan ta bisa nos tocante nos Dios.—Sal. 19:1.