Testigonan di Jehova—Un Historia di Fe Bibo, Parti 1: Nan Ta Sali for di Scuridad

Bijbel ta asocia luz cu berdad, mientras cu scuridad, e ta asocia cu mentira. (Sal. 43:3; Isa. 5:20) Satanas a introduci scuridad na mundo ora el a gaña Eva, y cu tempo el a hinca mundo completo den scuridad. (Rev. 12:9) E DVD Testigonan di Jehova—Un Historia di Fe Bibo, Parti 1: Nan Ta Sali for di Scuridad ta conta den forma cronologico con luz spiritual a cuminsa sali for di scuridad. (Isa. 60:1, 2) Despues di a wak e DVD, purba contesta e siguiente preguntanan.

(1) Con un scuridad spiritual profundo a desaroya despues di morto di e apostelnan? (2) Cuminsando for di siglo 12, ki desaroyonan a yuda hende mira cu Iglesia no tabata siña e berdad? (3) Ken Henry Grew y George Storrs tabata? (4) Ki sucesonan den bida di Charles Russell tabatin un efecto profundo riba dje? (5) Ruman Russell, hunto cu su tata y algun conoci a forma un grupo pa studia Bijbel. Con nan a haci esey, y na ki conclusionnan biblico nan a yega? (6) Dicon e grupo di estudio di Bijbel aki a join e grupo di Nelson Barbour, pero kico a pone Ruman Russell separa for di e grupo ey? (7) Kico a sosode na juli di 1879 cu a marca comienso di un era nobo di luz spiritual? (8) Despues di esaki, kico e cantidad di Studiantenan di Bijbel cu a sigui aumenta a haci pa plama e bon noticia? (9) Kico e Studiantenan di Bijbel a spera for di hopi aña di antemano cu lo a bay sosode na 1914? (10) Despues cu Ruman Russell a muri, ki pruebanan e Studiantenan di Bijbel mester a enfrenta? (11) Kico e Studiantenan di Bijbel a haci despues cu Ruman Rutherford y su socionan a sali for di prizon? (12) Con e DVD aki a aumenta bo aprecio pa Jehova su organisacion? (13) Con e DVD aki a fortalece bo determinacion pa sigui predica cu celo a pesar di obstaculo? (14) Con nos por uza e DVD aki pa yuda nos famia, studiantenan di Bijbel y otro personanan?

E prome Studiantenan di Bijbel a laga un bunita herencia spiritual pa nos. Aunke e mundo cu nan a biba aden tabata den scuridad spiritual, nan, cu celo y curashi, a sirbi como cargado di luz. Laga nos imita nan ehempel y “sigui cana como yiunan di luz.”—Efe. 5:8.