Dos Cen Preto

Un manera importante cu nos ta promove interesnan di Reino ta mediante nos contribucion financiero na e obra mundial di predica. Pero kico si nos no tin hopi cen?

Na un ocasion, Hesus a mira un viuda pober tira un contribucion di dos cen preto den un caha di placa di tempel. E amor cu e viuda aki tabatin pa Jehova a motiv’e pa tira ‘tur su placa, tur loke e tabatin pa biba di dje, a pesar cu e tabata den necesidad.’ (Mar. 12:41-44) E echo cu Hesus a trece esaki dilanti ta indica cu e contribucion di e viuda tabata di gran balor den bista di Dios. E cristiannan di prome siglo tambe a haya cu tabata un privilegio di por contribui financieramente na e obra di Reino. Tanto esnan pober como rico a duna loke nan tabata por. Apostel Pablo a menciona den su carta na e Corintionan con e rumannan di Macedonia, a pesar “cu nan tabata masha pober”, a keda roga pa “laga nan tambe duna un regalo generoso.”—2 Cor. 8:1-4.

Pesey, si ta “dos cen preto” so nos por contribui, nos mester corda cu si tur hende duna un tiki e ta rende bira hopi. Nos Tata selestial generoso ta keda contento ora nos ta duna di curason, pasobra “Dios ta stima hende cu ta duna cu alegria.”—2 Cor. 9:7.