Algun Sugerencia

Pa Cuminsa Estudio di Bijbel Riba e Prome Diasabra di Augustus

“Den e ultimo añanan hende ta hopi interesa den angel. Bo ta kere cu angel ta existi? [Permiti e persona contesta.] Ripara kico e revista aki ta bisa.” Duna e persona E Toren di Vigilancia di 1 di augustus y analisa hunto cu ne e informacion cu tin bou di e prome pregunta na pagina 16 y lesa por lo menos un di e textonan. Ofrece e revista, y traha un afspraak pa considera e siguiente pregunta.

E Toren di Vigilancia 1 di Augustus

Lesa Salmo 65:2. Despues bisa: “Hopi hende ta di acuerdo cu e palabranan aki, esta, cu Dios ta scucha oracion y pesey nan ta resa tur dia. Pero, otro hende ta puntra nan mes: ‘Si Dios ta existi, dicon mundo ta yen di problema asina?’ Kico bo ta pensa? Tin un Dios cu ta scucha nos oracionnan? [Permiti e persona contesta.] E revista aki ta trata e contesta cu Bijbel ta duna riba e pregunta aki: ‘Dicon Esun cu ta scucha oracion ta permiti sufrimento?’”

¡Despertad! Augustus

“Awendia, hopi hende tin miedo di sali di cas nan so, vooral anochi. Bo ta kere cu nos por haci algo pa caba cu violencia? [Permiti e persona contesta.] E revista aki ta splica kico cada un di nos por haci pa ta na paz cu otro. Tambe e ta mustra con e profecia aki lo cumpli.” Lesa Salmo 72:7.