Nos Lo Parti Noticia di Reino Num. 38 den December!
1. Ki preguntanan hende sa haci tocante morto y con nos lo contesta e preguntanan aki den december?
1 Morto ta e enemigo di tur hende, sin importa nan religion of creencia. (1 Cor. 15:26) Hopi hende ta puntra nan mes na unda e mortonan ta y si un dia por mira nan atrobe. Pesey, pa un luna largo congregacionnan rond mundo lo participa den un campaña special pa parti e Noticia di Reino Num. 38, titula “Di Berdad Hende Morto Por Bolbe Biba?” E campaña aki lo cuminsa, na e islanan ABC, dia 1 di december. Despues di e luna special aki nos lo uza e Noticia di Reino Num. 38 como un tratado den sirbishi.
2. Con a diseña e Noticia di Reino Num. 38?
2 Su Diseño: A diseña e Noticia di Reino Num. 38 di tal manera cu ora bo dobl’e den su largura, e portada ta mustra e tema hunto cu e frase “Kico bo ta pensa? Si? No? Kisas?” Ora e lector habri e Noticia di Reino, e ta mira loke Bijbel ta bisa como contesta pa e pregunta cu e tema ta haci y kico e promesa aki por nifica p’e. Pero tambe e ta mira e motibonan dicon e por kere loke Bijbel ta bisa. Parti patras di e Noticia di Reino tin un pregunta interesante p’e lector pensa ariba y ta anim’e pa busca mas informacion.
3. Con nos lo parti e Noticia di Reino Num. 38?
3 1Con Nos Lo Bay Partie? E campaña aki lo ta mescos cu e campañanan pa parti invitacion pa Memorial of congreso di districto. Ancianonan lo informa e congregacion con lo cubri e teritorio, di acuerdo cu e carta di 1 di april 2013 cu nan a haya. Congregacionnan cu no tin hopi teritorio por opta pa yuda congregacionnan den bisindario cu si tin hopi. Publicadornan tin cu tuma solamente e cantidad di Noticia di Reino cu nan lo uza e siman ey. Congregacionnan cu cubri tur e casnan den nan teritorionan por laga e Noticia di Reino cu a resta den areanan publico. Si logra parti tur prome cu fin di december, mester ofrece e oferta di luna. Riba e prome diasabra di december nos lo concentra riba e campaña special aki en bes di purba di cuminsa estudio di Bijbel. Den weekend nos por ofrece revista, caminda e oportunidad presenta. Abo ta plania pa participa plenamente den e campaña special aki?