Algun Sugerencia

Pa Cuminsa Estudio di Bijbel Riba e Prome Diasabra di Januari

“Mayoria di hende tin nan mes punto di bista tocante Dios. Algun ta pensa cu Dios ta un forsa misterioso. Otronan ta mir’e como un Tata celestial amoroso. Con abo ta pensa cu Dios ta?” Permiti e persona contesta. Mustr’e e parti patras di E Toren di Vigilancia di 1 di januari y trata e informacion di e prome pregunta. Lesa por lo menos un di e textonan cu ne. Ofrec’e e revista y traha un afspraak pa trata e siguiente pregunta.

E Toren di Vigilancia 1 di Januari

“Nos kier a papia un rato asina tocante algo cu ta afecta nos tur: morto di un ser keri. Abo tambe ta haya cu perdida di un amigo of famia stima ta e cos di mas duro pa trata cu ne? [Permiti e persona contesta.] Hopi hende a haya consuelo den e texto di Bijbel aki. [Lesa Isaias 25:⁠8.] E revista aki lo trata e bunita speransa cu Bijbel ta duna pa caba cu morto y trece nos sernan keri bek na bida.”

¡Despertad! Januari

“Abo ta di acuerdo cu awendia famia ta enfrenta hopi presion? [Permiti e persona contesta.] E proverbio aki den Bijbel ta bisa nos kico famianan tin cu haci pa forma y fortifica nan hogar. [Lesa Proverbionan 24:⁠3.] Hopi hende ta haya cu Bijbel ta un fuente confiabel di sabiduria. E revista aki ta analisa un website basa riba Bijbel cu tin algun informacion gratis pa yuda famianan.”