Algun Sugerencia

Pa Cuminsa Estudio di Bijbel Riba e Prome Diasabra di Maart

“Nos ta haciendo un bishita cortico pa papia di algo cu lo tuma luga dia 14 di april. Riba e fecha ey, nos lo conmemora e morto di Hesus. Algun hende lo conmemora e ocasion aki pasobra e morto di Hesus tin gran nificacion pa nan. Di otro banda, tin hende no sa kico e morto di Hesus ta nifica pa humanidad. Abo ta kere cu e morto di Hesus ta beneficia cada un di nos?” Permiti e persona contesta. Mustr’e e parti patras di E Toren di Vigilancia di 1 di maart y trata e informacion di e prome pregunta. Lesa por lo menos un di e textonan cu ne. Ofrec’e e revista y traha un afspraak pa trata e siguiente pregunta.

E Toren di Vigilancia 1 di Maart

“Hopi hende ta puntra nan mes dicon Dios no ta caba cu e inhusticia y sufrimento cu tin riba mundo. Abo ta kere cu kisas ta pasobra e no ta interesa den nos of ta pasobra e ta haya cu ta bon pa nos sufri? [Permiti e persona contesta. Despues lesa Juan 3:⁠16.] Aunke hopi hende ta uza e texto aki pa mustra cu Dios ta interesa den nos, nan no sa con e morto di e yiu di Dios ta beneficia nos. E revista aki ta splica con e morto di Hesus lo yuda trece un fin na e inhusticia y sufrimento cu tin riba mundo.”

¡Despertad! Maart

“Nos ta di bishita un rato asina pa splica un mal comprondemento cu hopi hende tin di e versiculo aki di Bijbel. [Lesa Genesis 1:⁠1.] Algun hende ta pensa cu e universo tin un Creador, pero tin otronan cu no ta di acuerdo. Kico ta bo opinion tocante esaki? [Permiti e persona contesta.] Hopi hende no ta kere den creacion pasobra hopi religion no ta siña hende loke tin para den Bijbel. Den e revista aki bo por lesa un splicacion logico y confiabel di loke Bijbel ta bisa tocante e comienso di universo.”