Con pa Mehora Nos Sirbishi: Vence Obstaculo Cu Por Para Combersacion

Dicon Esaki Ta Importante: Imagina cu bo sa cu tin un desaster natural ta bay tuma luga. Pa hende por scapa, nan tin cu bay na un luga di refugio. Pesey bo ta bay cerca bo bisiña pa spiert’e, pero e ta interumpi bo, bisando bo cu e ta ocupa aworaki. Lo bo djis bira lomba bay lag’e? Claro cu no. Hopi hende den nos teritorio ta nenga di scucha y no ta realisa cu e mensahe cu nos ta trece ta uno di salbacion. Kisas, ora nos pasa cerca nan, nan ta hopi druk. (Mat. 24:37-39) Of podise nan tin cierto prehuicio contra nos pa motibo di algun rumor cu nan a tende. (Mat. 11:18, 19) Hasta nan por pensa cu nos ta mescos cu e religionnan cu a traha un mal nomber pa nan mes. (2 Ped. 2:1, 2) Si un persona no mustra interes na principio, nos no mester ta lihe pa entrega.