Con pa Mehora Nos Sirbishi: Cuminsa un Combersacion pa Duna Testimonio Informal

Dicon E Ta Importante: Ora nos ta predica di cas pa cas, hopi biaha e hendenan no sa ta na cas. Sinembargo, kisas nos ta topa nan por ehempel den transporte publico, na oficina di dokter y den pausa na trabou of na scol. Ta Jehova su boluntad pa tur hende haya e oportunidad di scucha e mensahe di Reino. (1 Tim. 2:3, 4) Mayoria di biaha nos mester tuma e iniciativa y cuminsa un combersacion pa nos por duna testimonio.

Con pa Hacie:

Observa bon. E hende ta parce amabel y tin gana di papia? E situacion ta permiti bo combersa na un manera trankil? Algun publicador ta haci sigur cu e persona ta wak nan prome, anto despues nan ta smile. Si e persona smile bek, nan ta purba di cuminsa un combersacion cu ne.
Si bo no tin curashi pa papia, haci un oracion cortico den bo mes.—Neh. 2:4; Echo. 4:29.
Cuminsa bisa algo cortico, kisas djis un: “Con ta bay?” Ora Hesus a combersa cu e muher di Samaria, e no a cuminsa papia mesora tocante e Reino cu ne. (Juan 4:7) Tin biaha bo por cuminsa un combersacion cu un palabra di elogio, manera: “Bo yiunan ta bon mucha!” Un otro manera tambe pa cuminsa un combersacion ta di haci un pregunta: “Bo a wak noticia ayera nochi?”
Unabes cu bo a cuminsa combersa, busca un oportunidad pa introduci e bon noticia, pero no hacie mucho pura. Laga e combersacion desaroya na un manera natural. Kisas bo por bisa algo cu ta lanta e persona su curiosidad y pon’e haci un pregunta. Por ehempel, si boso ta combersa tocante famia, bo por bisa: “Mi a haya algun conseho confiabel tocante criamento di yiu.” Si boso ta papia tocante algo cu a sali den noticia, bo por bisa: “Anto poco dia pasa mi a lesa un bon noticia.” No sinti bo malo si e combersacion termina prome cu bo por duna un testimonio.
Percura pa bo tin tratado of otro literatura hunto cu bo pa bo por duna un persona cu mustra interes.

Purba di Haci Esaki den e Luna Aki:

Tur siman purba di cuminsa por lo menos un combersacion cu e meta di duna testimonio informal.