Algun Sugerencia

Unda Bo Por Haya Contesta pa e Preguntanan Importante di Bida?

Duna e persona e tratado di tal manera cu e por mira e tema y bis’e: “Con ta bay? Nos ta participa den un campaña mundial pa parti un mensahe importante. Esaki ta bo ehemplar.”

Si bo ta laga e tratado caminda no tin hende na cas, pon’e na un luga cu ta for di bista di otro hende y evita di dobl’e sin cu tin mester.

Si e persona ta interesa of kier combersa, puntr’e cua di e tres contestanan cu tin parti dilanti lo e scoge. Habri e tratado y mustr’e loke Salmo 119:144 y 160 ta bisa. Splic’e cu e tratado tin informacion tocante un website cu por yud’e haya contesta den Bijbel. Kisas bo por lag’e wak e video Dicon Analisa Loke Bijbel Ta Bisa? Prome cu bo bay, mustr’e e tres preguntanan parti patras di e tratado y puntr’e cua di nan ta interes’e mas. Traha un afspraak pa bo bolbe pa asina bo mustr’e con e por uza jw.org pa haya e contesta cu Bijbel ta duna pa e pregunta ey. Ora bo rebishit’e, bay na PUBLICACION > BUKI Y FOYETO y analisa e contesta hunto.

Si bo ta parti tambe e invitacion pa bo congreso regional, duna e persona e invitacion hunto cu e tratado y agrega: “Ademas, nos ta duna bo un invitacion pa un evento publico gratis.”

E Toren di Vigilancia 1 di Augustus

Den weekend, si ta apropia, bisa esaki pa presenta E Toren di Vigilancia: “Tambe nos lo kier ofrece bo nos revistanan actual. E edicion aki di E Toren di Vigilancia ta contesta e pregunta: ‘Dios ta interesa den bo?’”

¡Despertad! Augustus

Den weekend, si ta apropia, bisa esaki pa presenta e ¡Despertad!: “Tambe nos lo kier ofrece bo nos revistanan actual. E ¡Despertad! aki ta contesta e pregunta: ‘Con hende por keda na paz cu otro?”