Algun Sugerencia

Pa Cuminsa Estudio di Bijbel Riba e Prome Diasabra di September

“Hopi hende ta kere den angel. Abo tambe? [Permiti e persona contesta.] Angelnan tin hopi poder. Abo ta kere cu nan por yuda nos? Bijbel ta bisa nos con nan ta yuda hende awe.” Mustr’e e articulo parti patras di E Toren di Vigilancia di 1 di september, trata e prome pregunta y lesa por lo menos un di e textonan. Ofrec’e e revista y traha un afspraak pa trata e siguiente pregunta.

E Toren di Vigilancia 1 di September

“Bo ta kere cu por drecha e daño cu hende a causa na nos planeta? [Permiti e persona contesta.] Aunke hende no por drecha e daño cu nan a causa, Bijbel ta bisa cu Dios si por y kier haci esaki. E ta garantisa nos esaki na Salmo 65:9. [Les’e.] E edicion aki di E Toren di Vigilancia ta splica con Dios lo drecha e Tera y con nos por disfruta di e bendicion aki den futuro. Lo bo kier les’e?”

¡Despertad! September

“Hopi hende ta sinti cu nan doño di trabou ta presiona nan pa traha mas duro y nan no ta mira un salida pa esey. Expertonan ta bisa cu ora un hende tin demasiado trabou, e ta core riesgo di burnout y esey por causa daño tanto fisico como emocional. Kico abo ta kere por yuda un hende hiba un bida balansa? [Permiti e persona contesta.] Ata aki un texto di Bijbel cu ta pone nos pensa. [Lesa Eclesiastes 4:6.] E revista aki ta splica cuater manera practico pa reahusta nos prioridadnan pa nos no burnout pa motibo di trabou.”