Imita Nan Fe
1. Cua buki nos lo cuminsa studia e siman di 19 di october na e Estudio di Bijbel di Congregacion?
1 E siman di 19 di october 2015 nos lo cuminsa studia e buki Imita Nan Fe na e Estudio di Bijbel di Congregacion. E publicacion aki ta trata relatonan biblico di 14 homber y muher fiel. Ora nos lesa e buki aki, e personahenan, cu tur e problema- y desafionan cu nan a enfrenta pa keda leal na Jehova, ta bira mas real pa nos. Ademas, nos ta siña lesnan practico pa nos bida.—Heb. 6:12.
2. Menciona algun rasgo di e buki Imita Nan Fe.
2 Algun Rasgo di e Buki: E buki tin mapa y liña di secuencia cronologico pa yuda nos mira na ki tempo y na unda cada personahe a biba. Cada capitulo tin un seccion “Medita Riba Esaki ...” E seccion aki ta yuda nos medita riba e relato y pone e lesnan cu nos a siña na practica. Ademas, e buki tin yen di plachi colorido cu tin hopi detaye cu ta haci e relato mas real pa nos.
3. Con nos por saca beneficio ora di studia e buki aki?
3 Con Nos Por Saca Beneficio? E carta di Cuerpo Gobernante na comienso di e buki ta anima nos cu e palabranan aki: “Uza boso imaginacion; uza tur boso sentidonan. Purba di sinti loke e personahenan ey a sinti y di mira loke nan a mira. Compara e manera cu nan a reacciona den cierto situacion cu e manera cu boso lo a reacciona.” Claro cu uza nos imaginacion no kiermen cu nos ta bay specula; mas bien nos tin cu visualisa loke e relato inspira ta bisa y pone nos mes den sapato di e personahenan. Esaki ta exigi tempo y esfuerso. (Neh. 8:8) Si e les di un siman ta cuminsa meymey di un capitulo, e ruman cu ta dirigi lo duna un resumen di e les di e siman cu a pasa den menos cu un minuut. Si e seccion “Medita Riba Esaki ...” no ta asigna den e les, e ruman por haci un of dos pregunta como repaso.
4. Dicon ta importante pa nos studia e buki Imita Nan Fe?
4 Nos ta biba den un mundo cu tur dia ta purba di debilita nos fe di un manera of otro. Tanto e buki aki como e serie Imita Nan Fe cu ta ser publica den E Toren di Vigilancia ta un regalo for di Jehova cu ta yuda nos haci nos fe fuerte. (Sant. 1:17) Laga nos ta presente tur siman na e Estudio di Bijbel di Congregacion y participa cu nos comentarionan pa asina nos saca pleno probecho.