Con Nos Por Mustra Amor na Nos Prohimo?

Como cu nos tur ta descendiente di e prome homber, Adam, nos tur ta famia. Aunke miembronan di famia mester stima y respeta otro, esey no ta loke nos ta mira awendia. Nos Dios amoroso no ta contento cu hende ta sin amor.

KICO E SANTO SCRITURA TA BISA TOCANTE AMOR?

“Stima bo prohimo manera bo mes.”—LEVITICO 19:18.

“Sigui stima boso enemigonan.”—MATEO 5:44.

KICO STIMA BO PROHIMO TA NIFICA?

Tuma nota con Dios ta describi amor den su Palabra na 1 Corintionan 13:4 pa 7:

“Amor tin pasenshi y ta bondadoso.”

Pensa riba esaki: Con bo ta sinti ora hende trata bo cu pasenshi y bondad, y no ta reacciona malo ora bo haci fout?

“Amor no ta jaloers.”

Pensa riba esaki: Con bo ta sinti ora otronan ta jaloers riba bo y kier haci bo daño?

Amor “no ta busca su mes interes.”

Pensa riba esaki: Con bo ta sinti ora otro hende ta respeta bo punto di bista en bes di insisti riba nan opinion?

Amor “no ta keda corda e malo cu hende a hacie.”

Pensa riba esaki: Dios ta dispuesto pa pordona hende cu a peca, pero cu a arepenti di nan pica. “E n’ ta sigui akusá ... E n’ ta keda rabiá.” (Salmo 103:9, BPK) Nos ta keda contento ora un hende cu nos a ofende ta pordona nos. Pesey anos tambe mester ta cla pa pordona ora otro hende ofende nos.—Salmo 86:5.

Amor “no ta alegra cu inhusticia.”

Pensa riba esaki: Nos no lo gusta pa hende alegra ora algo malo pasa cu nos. Pesey nos tampoco no mester alegra ora algo malo sosode cu otro hende, ni si nan a trata nos malo.

Pa nos haya Dios su bendicion, nos mester stima nos prohimo sin importa nan edad, nacionalidad of religion. Un manera practico cu nos por demostra amor ta door di yuda hende den necesidad.