Lo Yega un Dia Cu Hende di Tur Rasa Lo Haya Mesun Trato?—Kico Bijbel Ta Bisa?

Awendia, hopi hende ta sufri pasobra nan ta ser discrimina pa motibo di nan rasa.

• “Tur caminda na mundo, den varios institucion, organisacion social y bida diario, bo ta mira rasgo di racismo. Esey ta e caso pasobra hende no ta trata hende di diferente rasa igual.”—Antonio Guterres, Secretario-General di Nacionnan Uni.

Lo yega un dia cu hende di diferente rasa lo haya mesun trato? Kico Bijbel ta bisa?

Dios kier pa hende di diferente rasa haya trato igual?

Bijbel ta mustra con Dios ta pensa tocante hende di diferente rasa.

• “[Dios] a traha tur nacion, pa nan biba riba henter e superficie di Tera.”—Echonan 17:26.

• “Dios no ta haci distincion di persona; ... e ta acepta tur hende di tur nacion cu ta tem’e y cu ta haci loke ta corecto.”—Echonan 10:34, 35.

Bijbel ta mustra cu tur hende ta famia di otro y cu Dios ta acepta hende di tur rasa.

Con igualdad racial lo ser realisa?

E reino di Dios, esta, Dios su gobierno celestial, lo percura pa hende di diferente rasa haya trato igual. E reino di Dios lo siña hende e maneranan corecto pa trata otro hende. Hende lo siña elimina cualkier sintimento negativo cu nan lo por tin pa hende di otro rasa.

• “E habitantenan di mundo [lo] siña husticia.”—Isaias 26:9.

• “Fruta di husticia lo ta paz, y e resultado di husticia lo ta kietud y confianza pa semper.”—Isaias 32:17.

Awe, Bijbel ta siña miyones di hende con pa trata otro hende cu respet y dignidad.

• Pa haya sa mas tocante e topico aki, lesa e edicion di e revista Spierta! cu tin como tema: “Ta posibel pa Caba cu Prehuicio?”

• Pa mira con un mayor por papia cu su yiu tocante racismo, lesa e articulo: “Papia cu Bo Yiunan Tocante Racismo.”