Hesus Ta Dios Todopoderoso?

E contesta cu Bijbel ta duna

E adversarionan di Hesus a acus’e di ta haci su mes igual cu Dios. (Juan 5:18; 10:30-33) Sinembargo, Hesus no a pretende nunca di ta igual cu Dios Todopoderoso. Mas bien el a bisa: “E Tata ta mas cu mi.”—Juan 14:28.

E prome siguidornan di Hesus tampoco no a consider’e igual cu Dios Todopoderoso. Por ehempel, apostel Pablo a skirbi cu despues cu Hesus a resucita, Dios “a hals’e na un puesto mas halto.” Ta bisto cu Pablo no a kere cu Hesus tabata Dios Todopoderoso. Si tabata asina, con Dios lo por a halsa Hesus na un puesto mas halto?—Filipensenan 2:9.