Pakico Testigonan di Jehova No Ta Uza Cruz den Nan Adoracion?

Hopi hende ta mira cruz como e simbolo universal di cristianismo. Aunke testigonan di Jehova ta cristian, nos no ta uza cruz den adoracion. Dicon no?

Un motibo ta cu Bijbel ta mustra cu Hesus no a muri riba un cruz pero riba un simpel staca. Ademas, Bijbel ta spierta cristiannan pa “huy di idolatria.” Esey ta nifica cu un hende no tin mag di uza cruz den adoracion.​—1 Corintionan 10:14; 1 Juan 5:21.

Ta interesante pa sa cu Hesus a bisa: “Na esaki tur hende lo sa cu boso ta mi discipelnan, esta, si boso ta stima otro.” (Juan 13:34, 35) Asina Hesus a mustra cu loke ta identifica su berdadero discipelnan no ta e cruz ni cualkier otro imagen, sino berdadero amor pa prohimo.