Nota na Pia di Pagina

e Herhes I tabata conoci pa su caracter caprichoso y violento. E historiador Griego Herodoto a menciona algun ehempel di su caracter violento durante e guera contra Grecia. Na un ocasion Rey a duna ordo pa traha un brug di sosten (ponton) na e canal di Helesponto. Ora un tormenta a destrui e brug, Herhes a rabia asina tanto cu el a duna ordo pa kita cabes di e ingenieronan, y hasta el a laga su soldaatnan “castiga” lama door di suta lama cu zwiep y maldicion’e na bos halto. Durante e mesun campaña militar ey, un homber rico a suplica Rey pa no laga su yiu sirbi den ehercito. Herhes a laga kap e yiu na dos y a pone su cadaver den bista publico como un spiertamento.