Nota na Pia di Pagina

a Prome cu e revolucion di october 1917, Rusia tawata uza e kalender juliano cu tawata mas bieu, pero mayoria pais ya a cambia pa e kalender gregoriano. Na 1917 e kalender juliano tawata 13 dia tras di e kalender gregoriano. Despues di e revolucion, Union Sovietico a cambia pa e kalender gregoriano, y for di e tempo ei Rusia ta uzando e mesun kalender cu e resto di mundo. Sinembargo, e Iglesia Ortodox a keda uza e kalender juliano pa su celebracionnan. Nan ta yam’e e kalender “Estilo Bieu.” Kisas bo a tende cu na Rusia nan ta celebra Pasco dia 7 di januari. Ma corda cu 7 di januari riba e kalender gregoriano ta 25 di december riba e kalender juliano. Pues, hopi Ruso ta celebra e siguiente dianan di fiesta: 25 di december, Pasco Occidental; 1 di januari, Aña Nobo no religioso; 7 di januari, Pasco ortodox; 14 di januari, Aña Nobo Estilo Bieu.