Ta Bon pa Resa na Santo?

E contesta cu Bijbel ta duna

No. Bijbel ta mustra cu ta na Dios so nos mester resa, anto den nomber di Hesus. Hesus a bisa su discipelnan: “Boso mester haci oracion asin’aki: ‘Nos Tata cu ta den cielo, bo nomber sea santifica.’” (Mateo 6:9) Nunca el a manda su discipelnan resa na santo, angel of cualkier otro persona cu no ta Dios.

Ademas, Hesus a bisa su discipelnan: “Ami ta e caminda, e berdad y e bida. Ningun hende no ta yega cerca e Tata si no ta pa medio di mi.” (Juan 14:6) Ta Hesus so ta autorisa pa boga of intermedia pa nos cerca Dios.—Hebreonan 7:25.

Nos por resa na Dios y na santo tambe?

Dios a bisa den e Dies Mandamento: “Ami, Jehova bo Dios, ta un Dios cu ta exigi devocion exclusivo.” (Exodo 20:5, New World Translation) Esey ta nifica cu Dios kier pa nos ta devoto na e so, esta, pa nos no duna gloria of adoracion na niun otro dios. Pesey, nos tin cu resa unicamente na dje.—Isaias 48:11.

Nos ta ofende Dios si nos resa na cualkier otro persona, hasta santo of angel. Ora apostel Juan kier a adora un angel, e angel no a acepta esey y a bis’e: “No haci e cos ey! Mi ta un simpel esclavo mescos cu bo y mescos cu bo rumannan cu tin e trabou di duna testimonio di Hesus. Adora Dios.”—Revelacion 19:10.