Prepara pa Memorial cu un Curason Gososo

1. E temporada di Memorial ta un bon ocasion pa haci kico?

¹ E Memorial riba diamars 26 di maart ta duna nos un bon oportunidad pa alegra den e medio cu Dios a uza pa nos salbacion. (Isa. 61:10) Pero si nos demostra e goso ey hasta den e dianan prome cu Memorial, nos lo ta mihor prepara p’e ocasion. Con nos por prepara?

2. Kico ta motiva nos pa prepara pa Memorial?

² Prepara pa e Memorial: E Cena di Señor ta un ocasion serio pero toch simpel. No obstante, ta importante pa plania adelanta pa no pasa ningun detaye por halto. (Prov. 21:5) Mester scoge un ora y sitio adecuado, busca e pan y e biña apropia y limpia y prepara e luga di reunion. Ademas, e orador asigna tin cu prepara bon, y tanto e ushernan como e rumannan cu ta pasa e pan y e biña mester sa exactamente kico nan tin cu haci. Sin duda, mayoria di e cosnan aki ta cla caba. Nos gratitud p’e sacrificio di rescate cu lo salba nos ta motiva nos pa prepara bon pa e ocasion sagrado aki.—1 Ped. 1:8, 9.

3. Con nos por prepara nos curason pa e Cena di Señor?

³ Prepara Nos Curason: Ta importante tambe pa nos prepara nos curason pa compronde e nificacion di Memorial. (Esd. 7:10, NW) Pa logra esaki, nos mester tuma tempo pa analisa e porcion di Bijbel pa e temporada di Memorial, anto reflexiona riba e ultimo dianan di Hesus su bida riba tera. Ora nos medita riba e spirito di sacrificio propio cu Hesus a manifesta, nos lo sinti nos motiva pa imit’e.—Gal. 2:20.

4. Cua di e beneficionan di e rescate ta duna bo mas goso?

⁴ E morto di Cristo ta demostra cu Jehova tin derecho di goberna como Soberano di universo. E ta libra nos di pica y morto. (1 Juan 2:2) E ta habri caminda pa nos por tin un bon relacion cu Dios y tambe haya bida eterno. (Col. 1:21, 22) E ta yuda nos tambe pa keda determina pa cumpli cu nos dedicacion na Jehova y sigui e ehempel di Cristo fielmente. (Mat. 16:24) Ora bo prepara pa e binidero Memorial y asisti na dje, lo bo sinti un goso mas grandi ainda!