Haci Bon Uzo di Revistanan Menos Recien

Ta bon pa ofrece hende revistanan menos recien ya cu nan no ta yuda ningun hende si nos warda nan den cashi of tira nan afo. Un solo revista por lanta un hende su interes pa e berdad y motiv’e pa cuminsa invoca e nomber di Jehova. (Rom. 10:13, 14) Ata aki algun sugerencia cu por yuda nos haci bon uzo di revistanan menos recien.

• Ora di predica den teritorio cu no ta ser traha frecuentemente, kisas bo por laga un ehemplar na e casnan caminda no tin hende na e momento ey, pone esaki un caminda cu ta for di bista di otro hende.

• Ora di predica na luganan publico caminda tin hende ta warda, manera na parada di bus of stacion di bus, puntra e hendenan cu bo topa si nan kier algo di lesa, mustra nan algun ehemplar cu bo tin y laga nan scoge cua nan kier.

• Ora bo bay na luganan manera laundry, cas di cuido, clinica cu ta den teritorio di bo congregacion, laga algun ehemplar den e sala di espera. Si e persona encarga t’ey, ta bon pa pidie permit prome. Si bo ripara cu ya tin algun revista, no pone mas acerca.

• Ora bo ta prepara pa haci rebishita, pensa riba loke ta interesa cada persona cu bo ta bay bishita. E tin un famia? E ta gusta biaha? E ta gusta planta? Blader den e revistanan menos recien pa wak si tin un articulo cu lo por interes’e y mustr’e esaki ora bo bishit’e.

• Ora bo logra haya un hende interesa na cas atrobe despues di a purba hopi dia sin por localis’e, mustr’e algun di e ehemplarnan cu e no a ricibi ainda.