“Bo ta mira un hende cu habilidad den su trabou? E lo para dilanti di reynan; e lo no para dilanti di hende insignificante.”

Proverbionan 22:29

“Laga esun cu ta horta, no horta mas; mas bien, lag’e traha duro, haciendo trabou honrado cu su mannan, pa e por tin algo di comparti cu esun cu ta den necesidad.”

Efesionan 4:28

“Tur hende por come y bebe y mira e bon cu tin den tur su trabou—esaki ta e regalo di Dios.”

Eclesiastes 3:13

“Esun cu gusta placer lo bira un hende pober; esun cu gusta biña y azeta lo no bira rico.”

Proverbionan 21:17

“E fiado ta bira esclavo di esun cu ta fi’e.”

Proverbionan 22:7

“Cua di boso cu kier traha un toren no ta sinta calcula e gasto prome pa wak si e tin suficiente pa cab’e? Sino, por sosode cu e ta pone su fundeshi, ma no por cab’e, y tur hende cu mira esaki lo cuminsa haci bofon di dje y bisa: ‘E hende aki a cuminsa construi, ma e no por a caba.’”

Lucas 14:28-30

“Ora nan a come te keda satisfecho, el a bisa su discipelnan: ‘Recoge e pidanan cu a sobra, pa nada no bay dispidi.’”

Juan 6:12

“Mihor un tayo di berdura caminda tin amor, cu un toro gorda y odio hunto cu ne.”

Proverbionan 15:17

“Ami ta SEÑOR bo Dios, kende ta siña bo, pa bo prospera, kende ta guia bo den e caminda cu bo mester cana.”

Isaias 48:17

“Feliz ta esnan cu ta consciente di nan necesidad spiritual, ya cu e Reino di cielo ta di nan.”

Mateo 5:3

“Stima bo prohimo mescos cu bo mes.”

Mateo 22:39

“Manera boso kier pa hende haci cu boso, boso mester haci mescos cu nan.”

Lucas 6:31

“Feliz ta esnan cu ta tende e palabra di Dios y ta cumpli cu ne!”

Lucas 11:28

“Ora un hende tin na abundancia, su bida no ta depende di loke e tin.”

Lucas 12:15

“Pues, si nos tin cuminda, paña y un dak riba nos cabes, nos lo keda contento cu e cosnan aki.”

1 Timoteo 6:8

“Tin mas felicidad den duna cu den ricibi.”

Echonan 20:35

“Tira bo carga riba SEÑOR, y e lo sostene bo; nunca e lo no permiti pa e husto wordo movi.”

Salmo 55:22

“E plannan di hende balente siguramente ta conduci na abundancia, ma tur esnan cu tin pura, siguramente ta resulta den pobreza.”

Proverbionan 21:5

“No tene miedo, pasobra mi ta cu bo; no desmaya, pasobra mi ta bo Dios. Lo mi fortalece bo, si, lo mi yuda bo, si, lo mi sostene bo cu mi man drechi di husticia.”

Isaias 41:10

“Cua di boso, ni maske cuanto e ansha, por rek su bida un crenchi?”

Mateo 6:27

“Pues no sea nunca ansha pa e dia di mañan, pasobra e dia di mañan lo tin su mes inkietudnan. Cada dia tin su mes problemanan.”

Mateo 6:34

“Haci sigur kico ta e cosnan mas importante.”

Filipensenan 1:10

“No sea ansha tocante nada; mas bien, den tur cos, pa medio di oracion y suplica hunto cu gradicimento, laga Dios sa kico ta boso peticionnan; y e pas di Dios cu ta surpasa tur comprondemento lo proteha boso curason y boso mente pa medio di Cristo Hesus.”

Filipensenan 4:6, 7

ESPOSONAN/TATANAN

“Esposonan mester stima nan esposa manera nan mes curpa. Esun cu ta stima su esposa ta stima su mes, pasobra ningun hende hamas a odia su mes curpa; ma e ta aliment’e y trat’e cu masha cariño ... Laga cada un di boso stima su esposa manera e ta stima su mes.”

Efesionan 5:28, 29, 33

“Tatanan, no irita boso yiunan, ma sigui lanta nan den e disciplina di Jehova y inculca su manera di pensa den nan.”

Efesionan 6:4

ESPOSANAN

“E esposa mester tin respet profundo pa su esposo.”

Efesionan 5:33

“Esposanan, sea sumiso na boso esposo, ya cu esey ta apropia den bista di Señor.”

Colosensenan 3:18

YIUNAN

“Yiunan, obedece boso mayornan den union cu Señor, pasobra esey ta husto. ‘Honra bo tata y bo mama’, pasobra esaki ta e prome mandamento cu un promesa, esta, ‘pa bay bo bon y pa bo por tin bida largo riba Tera.’”

Efesionan 6:1-3

“Yiunan, obedece boso mayornan den tur cos, pasobra esaki ta agradabel den bista di Señor.”

Colosensenan 3:20