Con pa Mehora Nos Sirbishi: Ora Nos Topa Hende Cu Ta Papia un Otro Idioma

Dicon Esey Ta Importante: Jehova kier pa “hende di tur nacion” siña conoc’e. (Echo. 10:34, 35) Hesus a bisa cu lo predica e bon noticia “den henter e Tera habita” y na “tur nacion.” (Mat. 24:14) Zacarias a profetisa cu “pueblonan ku diferente idioma” lo acepta esaki. (Zac. 8:23, BPK) Di acuerdo cu e vision di apostel Juan, hende “for di tur nacion, tribu, pueblo y idioma” lo sobrevivi e tribulacion grandi. (Rev. 7:9, 13, 14) En bista di tur esaki, ora nos topa cu un hende den nos teritorio cu ta papia un otro idioma, nos mester purba di dun’e testimonio.

Con pa Haci Esaki:

Sea prepara. Percura pa bo tin e foyeto chikito Buenas nuevas para gente de todas las naciones den bo tas. Lesa e instruccion cu tin den e prologo. Pensa cua ta e idiomanan cu bo por topa, y download for di jw.org un video of un publicacion den e idiomanan ey riba bo telefon of tablet. Purba di uza e app JW Language pa siña un par di frase den un otro idioma. Si bo ta traha di cas pa cas den un teritorio caminda congregacionnan di diferente idioma tambe ta predica, percura pa bo tin solamente literatura na e idioma di bo congregacion. Sinembargo, ora bo ta predica na luganan publico, percura pa bo tin literatura na diferente idioma.
Ora bo topa un hende cu ta papia un otro idioma, purba di bis’e algo di “e obranan magnifico di Dios” den su mes idioma. (Echo. 2:11) Mustr’e riba jw.org con e por haya mas informacion den su propio idioma. Si e mustra interes, yena e formulario Por Fabor Atendé (S-43) mesora y entrega esaki na e secretario. Sigui rebishit’e te ora publicadornan cu ta papia su idioma tuma contacto cu ne.

Purba di Haci Esaki Durante e Luna Aki:

Durante bo proximo Adoracion Como Famia, train con pa duna testimonio na hende cu ta papia un otro idioma.