Testigonan di Jehova Ta Cristian?

Si. Nos ta cristian pa e siguiente motibonan:

• Nos ta haci esfuerso pa sigui den e pasonan di Hesucristo fielmente y pa biba di acuerdo cu su siñansanan.—1 Pedro 2:21.

• Nos ta convenci cu Hesus ta hunga un papel clave den nos salbacion. Pesey Bijbel ta bisa cu “no tin ningun otro nomber bou di cielo cu Dios a duna hende pa medio di cua nos por ser salba.”—Echonan 4:12.

• Ora un hende bira un testigo di Jehova, e ta batisa den nomber di Hesus.—Mateo 28:18, 19.

• Nos ta haci oracion den nomber di Hesus.—Juan 15:16.

• Nos ta kere cu Hesus ta cabes di tur hende homber.—1 Corintionan 11:3.

Sinembargo, riba varios punto nos ta diferente for di otro grupo religioso cu ta yama nan mes cristian. Por ehempel, nos a yega na e conclusion cu Bijbel ta siña cu Hesus ta e Yiu di Dios, y no parti di un Trinidad. (Marco 12:29) Nos no ta kere cu alma ta inmortal, cu Bijbel ta apoya e idea cu Dios ta tortura hende den un fierno eterno of cu lidernan religioso lo mester tin titulo cu ta haci nan mas importante cu otro hende.—Eclesiastes 9:5; Ezekiel 18:4; Mateo 23:8-10.