Kico Bijbel ta priminti pa futuro?

“E hustonan lo hereda e Tera, y lo biba den dje pa semper.”

Salmo 37:29

“Tera ta permanece pa semper.”

Eclesiastes 1:4

“E lo traga morto pa semper, y Señor DIOS lo seca awa di wowo for di tur cara.”

Isaias 25:8

“E ora ey wowo di e ciegonan lo mira, y horea di e sordonan lo tende. Anto e cohonan lo bula manera bina, y lenga di e mudo lo grita di alegria. Pasobra awa lo basha den desierto, y coridanan di awa den Araba.”

Isaias 35:5, 6

“Lo e seca tur lagrima for di nan wowo, y lo no tin morto mas; ni tristeza ni sclamacion ni dolor lo no tin mas. E cosnan cu tabata pasa antes no t’ey mas.”

Revelacion 21:4

“Nan lo traha cas y biba den nan; tambe nan lo planta cunucunan di wendruif y come nan fruta. Nan lo no traha cas pa otro hende biba aden, ni planta pa otro hende come; pasobra manera e dianan di un palo, asina e dianan di mi pueblo lo ta; y mi scoginan lo disfruta di e obra di nan mannan pa hopi tempo.”

Isaias 65:21, 22