“Por Fabor Yuda Mi! Boso Ta Mi Unico Speransa”

CU E PALABRANAN AKI UN DOCTER di Universidad Medico di Kaunas, Lituania, a termina un carta cu el a manda na e oficina di Testigonan di Yehova di e pais ei. E docter a splica:

“Na trabou mi a cuminsa lesa e buki Loke hovenan sa puntra—Contesta practica. Mi tawatin pensa di uza informacion for di dje den algun di mi articulonan, pero algo a pasa y e buki a disparce. Parce cu un hende a bai cu ne. E echo cu mi a perde un tesoro asina, a molestia mi bastante. Por fabor, sea asina bon di manda un otro ehemplar pa mi.

Mi tin hopi mester di e buki aki pasobra mi ta bishita scolnan y ta traha cu hobennan, y e buki aki ta yuda mi contesta hopi di nan preguntanan. Si mi haya un otro ehemplar, lo mi ten’e na cas y cuid’e bon. E buki aki ta contene algo hopi balioso, y ta pesei un hende lo mester a bai cu ne. Den e tempo dificil aki, bo mester saca fortalesa for di un caminda. Por fabor yuda mi! Boso ta mi unico speransa.”

E buki Loke hovenan sa puntra ta trata hopi pregunta cu e hubentud sa haci nan mes, manera: “Con Mi Por Haci Mi Mayornan Duna Mi Mas Libertad?”, “Mi Mester Hui for di Cas?”, “Con Mi Por Haya Berdadero Amigo?”, “Cua Ofishi Mi Mester Scohe?”, “Kico di Relacion Sexual Prome cu Casamento?” y “Con Mi Por Sa si Ta Berdadero Amor?” Esakinan ta titulo di djis un par di e capitulonan. Pa bo haya un ehemplar, yena e cupon aki bou y mand’e na e adres riba e cupon of na un adres mas cumbiniente menciona na pagina 5 di e revista aki.

□ Manda pa mi un buki Loke hovenan sa puntra—Contesta practica.

□ Por fabor, tuma contacto cu mi pa un studio di Bijbel gratis na cas.