Bida di Famia Felis Ta Posibel!

UN SEÑORA di e stad Maladzyechna na Belarus a skirbi e oficina di sucursal di Testigonan di Yehova na Rusia. El a splica cu e ta casa y tin dos yiu. El a skirbi: “Ami cu mi casa ta stima otro. Sinembargo, mi a ripara cu segun tempo ta pasa mas nos ta rabia y pleita cu otro, y aparentemente sin ningun motibo. Un par di luna pasa un persona cu mi no conoce a para mi riba caya y a duna mi un tratado cu e titulo Disfrutá di Bida di Famia. Na prome instante, e plachi bunita di un famia felis a hala mi atencion. Mas despues mi a lesa e informacion y mi a duna mi esposo e tratado pa e tambe les’e.

Ta como si fuera un milager a sosode, pasobra mi bida di famia no a drecha so, sino, mi por bisa cu el a cambia completamente. Awor nos ta comprende cu no ta asina dificil pa ser felis. Tur loke bo tin cu haci ta mustra cariño sinsero y di curason y duna di bo mes. Tambe bo mester biba di acuerdo cu e mandamentonan di Dios y stima hende, incluso miembronan di famia y hende straño.”

El a conclui bisando: “Nos bida a bira mas placentero y felis. Nos kier sigui studia Bijbel y siña nos yiunan.”

Nos ta kere cu abo tambe por disfruta di e tratado Disfrutá di Bida di Famia. Nos lo ta contento tambe pa manda pa bo e buki di 192 pagina titula E Secreto pa Felicidad den Famia. Pa bo haya un ehemplar di e tratado y tambe e buki, yena por fabor e cupon aki bou y mand’e na e adres riba e cupon of na un adres mas cumbiniente menciona na pagina 5 di e revista aki.

□ Manda pa mi un ehemplar di e tratado Disfrutá di Bida di Famia y e buki E Secreto pa Felicidad den Famia.

□ Por fabor, tuma contacto cu mi pa un studio di Bijbel gratis na cas.