Un Buki Cu Tawatin un Gran Efecto

COMO cu asina hopi hoben ta imita e estilonan di bisti slons y cu pa un tempo cortico ta masha na moda, ta refrescante ora cu algun hoben ta purba bisti na un manera modesto. Na Balykchy, un stad na Kyrgyzstan, anteriormente un republica di Union Sovietico, un grupo di hoben a dicidi di bai saca un potret bisti cu e tipo di paña cu nan a mira riba kaft di e buki Loke hovenan sa puntra—Contesta práctica. E hobennan a bai serca un fotografo profesional y a pidie saca un potret di e grupo cu lo parce e potret riba portada di e buki. Riba e pagina aki tin e potret cu el a saca.

Despues di e sacamento di potret, e hobennan a laga e buki cu e fotografo. Na e momento ei e no a mustra masha interes, ya cu e no tawata kere den Bijbel. Sinembargo, ora e hobennan a regresa un par di dia despues pa busca e potret, el a bisa nan cu nunca den su bida el a yega di lesa un buki asina. Tambe e di cu nunca el a realisa cu Bijbel ta duna conseho asina practico, y e tawata kier sa mas. Como resultado, el a cuminsa un studio di Bijbel.

Bo tambe por manda pidi un ehemplar di e buki aki, cu ta skirbi specialmente pa yuda hobennan cu e problemanan cu nan ta confronta awe. Djis yena e cupon akibou y mand’e na e adres riba e cupon of na un adres mas cumbiniente menciona na pagina 5 di e revista aki.

□ Lo mi kier haya un ehemplar di e buki Loke hovenan sa puntra—Contesta práctica.

□ Por fabor, tuma contacto cu mi pa un studio di Bijbel gratis na cas.