E Bida di Hesus un Regalo Hopi Aprecia

Casi 2.000 aña pasa, Dios a duna humanidad e regalo di mas grandi den historia: bida di su Yiu, Hesucristo, cu a haci posibel cu nos por haya bida eterno. (Huan 3:16) Apreciando e regalo aki, hopi hende a regala amigo- y famianan un ehemplar di e buki E homber mas importante cu hamás a biba. E ta un buki cu ta describi e bida di Hesus manera e cuater Evangelionan ta present’e.

Algun tempo pasa un homber a splica cu e ta duna e buki aki na e hendenan cu manda carchi di Pasco p’e. E ta skirbi nan un carta, splicando brevemente dicon e no ta celebra Pasco mas. Den e carta e ta cita referencianan for di enciclopedia, diccionario y Bijbel. Anto hunto cu e carta e ta manda un ehemplar di e buki E homber mas importante cu hamás a biba.

E homber a conta cu el a haya dos reaccion masha animante di dos profesor di universidad. Un di e cartanan a bisa: “Poco dia pasa nos a ricibi bo bunita regalo, E homber mas importante cu hamás a biba. Nos ta masha contento cu ne. E ta asina bunita den hopi manera. Ya caba el a wordo uza sin fin.”

E buki aki ta inclui e sermonnan cu Hesus a duna, y tambe su comparacion- y milagernan. Te caminda ta posibel, tur cos ta ser relata den e secuencia cu nan a tuma luga. Y e buki tin plachinan bunita, bon investiga, cu ta diseña pa transmiti e sintimentonan di Hesus y di e hendenan di su tempo.

Si bo ta interesa pa haya un ehemplar di e buki aki di 448 pagina, sea asina bon di yena e cupon adhunto y mand’e na e adres riba e cupon of na un adres mas cumbiniente menciona na pagina 5 di e revista aki.

□ Sin ningun obligacion, mi kier pidi un ehemplar di e buki E homber mas importante cu hamás a biba.

□ Por fabor, tuma contacto cu mi pa un studio di Bijbel gratis na cas.