Watchtower BIBLIOTHEEK ONLINE
Watchtower
BIBLIOTHEEK ONLINE
Papiamento (Aruba)
  • BIJBEL
  • PUBLICACION
  • REUNION
  • g04 8/4 pag. 3
  • Moises bou di Atake

No tin video disponibel pa loke bo a scoge.

Sorry, nos no por a play e video.

  • Moises bou di Atake
  • Spierta! 2004
  • Articulonan Similar
  • Moises—Ki Efecto Su Bida Tin Riba Bo
    Spierta! 2004
  • Ken Moises Tabata?
    E Toren di Vigilancia Anunciando e Reino di Jehova Dios 2013
  • Moises​—Un Homber Cu A Mustra Amor
    E Toren di Vigilancia Anunciando e Reino di Jehova Dios 2013
  • Siña Conoce Yehova Su Camindanan
    E Toren di Vigilancia Anunciando e Reino di Jehova Dios 2005
Wak mas
Spierta! 2004
g04 8/4 pag. 3

Moises bou di Atake

TIN hopi cos cu hudiu, cristian y moslem no sa ta di acuerdo cu otro riba dje. Sinembargo, apesar di nan desacuerdonan, e religionnan aki tin por lo menos un cos en comun: respet profundo pa e homber conoci como Moises. Hudiunan ta reconoc’e como “e maestro Hudiu di mas grandi di tur”, fundado di e nacion Hudiu. Cristiannan ta consider’e un predecesor di Hesucristo. Moslemnan ta mira Moises como un di nan prome profetanan y un di esnan mas grandi di tur tempo.

Pues Moises ta un di e hombernan di mas influencia den historia humano. Pero toch, pa mas cu un siglo Moises ta bou di atake tanto di parti di academiconan como di clero. Hopi di nan ta cuestiona no solamente e creencia cu Moises a haci milager y a saca e Israelitanan for di Egipto, sino asta si el a existi. E buki Moses—A Life (Bida di Moises), skirbi pa Jonathan Kirsch, ta conclui: “Tur loke nos por bisa di e homber conoci den historia como Moises ta cu un persona manera esun describi den Bijbel kisas a biba leu den pasado na un tempo y luga desconoci, y cu su hazañanan kisas tawata e grano di santo cu mediante acumulacion di leyenda- y creencianan tradicional, pocopoco a crece atrabes di siglonan te ora el a bira e perla di un personahe impresionante y controversial cu nos ta lesa di dje den e paginanan di Bijbel.”

Na prome bista, e dudanan ei por parce valido. Por ehempel, criticonan ta comenta cu hende a haya prueba arkeologico cu ta confirma e existencia di personahenan biblico manera Rei Jehu di Israel, pero cu nan no a haya ningun evidencia arkeologico cu ta confirma e existencia di Moises. Sinembargo, esaki apenas ta proba cu Moises ta un mito of leyenda. Pasobra, ta asina skepticonan un tempo a argumenta cu otro personanan menciona den Bijbel, manera Rei Belsasar di Babilonia y Rei Sargon di Asiria tambe tawata mito—te ora cu arkeologia despues a confirma cu nan realmente a existi.

Autor Jonathan Kirsch ta recorda nos: “E restonan arkeologico di e Israel di Bijbel ta asina scars, cu e echo cu no tin absolutamente nada di Moises den ningun otro fuente fuera di Bijbel, riba su mes no ta un sorpresa ni ta pone un fin na e debate.” Segun Kirsch, pesei tin hende ta argumenta cu ta improbabel cu Moises tawata un simpel personahe imaginario, ya cu “un storia di bida cu asina tanto detaye y dialogo, y asina complica . . . , lo no por tawata un cos inventa.”

Sea cu bo ta un hende cu tin fe of no, probablemente bo sa di e susesonan principal di e bida di Moises: su encuentro cu Dios na e mata na candela, e Exodo di e Israelitanan for di Egipto y habrimento di Lama Cora. Pero tin motibo pa kere cu e cosnan aki realmente a sosode? Of Moises ta simplemente un personahe di mitologia? E siguiente articulo ta trata e preguntanan fasinante aki.

    Publicacion na Papiamento (Aruba) (2002-2024)
    Log Out
    Log In
    • Papiamento (Aruba)
    • Comparti
    • Preferencianan
    • Copyright © 2025 Watch Tower Bible and Tract Society of Pennsylvania
    • Condicionnan di Uzo
    • Maneho di Privacidad
    • Configuracion di Privacidad
    • JW.ORG
    • Log In
    Comparti