“Excepcionalmente Rico na Nificacion”

ESAKI ta un comentario cu un persona a haci na un exhibicion internacional di arte na Kassel, Alemania. E tawata referi na e plachinan den e literatura di Testigonan di Yehova. Katja di diesseis aña di edad ta conta kico a pasa ora e cu su compañeronan di scol a bishita e exhibicion y tawata wak algun obra di arte religioso:

“Nos guia a puntra e studiantenan si nan a yega di analisa e revistanan di Testigonan di Yehova. Ora cu nan tur a bisa no, el a cuminsa gaba e plachinan den E Toren di Vigilancia y Spierta! El a bisa cu e pinturanan ta hopi bon y e potretnan bon scohi, pero cu esei no ta tur cos, sino cu nan ta ‘excepcionalmente rico na nificacion’ tambe.

El a bisa cu ta bon pa nos analisa e plachinan interesante aki cuidadosamente.” Pasobra segun e, e manera actual cu nan ta uza plachi pa describi e susesonan di Bijbel ta pone cu ta bira mas facil pa nos mira con nan ta aplica na nos tempo. El a urgi e studiantenan pa acepta e revistanan ora cu Testigonan ofrece nan esakinan. Y el a bisa nan cu nan no mester wak e plachinan so, sino tambe lesa e articulonan ya cu nan ta masha informativo y interesante.