Bo Sa e Contesta?

(Por haya e contestanan di e quiz aki den e textonan di Bijbel duna, y e lista completo di contesta ta na pagina 27. Pa mas informacion, consulta e publicacion na Spaño “Perspicasia pa Compronde e Scritura”, publica door di Testigonan di Yehova.)

1. Di kico e pianan pa e base di e tabernakel tawata traha? (Exodo 26:19-32)

2. Con e liberacion di e nacion di Israel for di sclabitud na Egipto ta ser yama? (Hebreonan 11:22)

3. Segun e profecia di Hesus, cuanto bes Pedro lo a neng’e? (Mateo 26:75)

4. Despues cu e donnan milagroso di spirito no tawata existi mas, cua ta e tres cualidadnan cu ta caracterisa e congregacion cristian? (1 Corintionan 13:13)

5. Dicon ta un bobedad pa adora idolo? (Salmo 115:4-8)

6. Ki conseho relaciona cu bistimento Pablo a duna hende mohenan cristian? (1 Timoteo 2:9, 10)

7. Dicon Pablo a considera su mes como “esun di mas menos di e apostelnan”? (1 Corintionan 15:9)

8. Ki arma Samson a uza pa mata 1.000 Filisteo? (Huesnan 15:15)

9. Cua insecto hende a uza pa siglonan como cuminda den Medio Oriente? (Levitico 11:22)

10. Ki declaracion Huan Bautista a haci tocante Hesus, dos dia tras di otro? (Huan 1:29, 35, 36)

11. Ken tawata sinta rond di e trono di Yehova den e revelacion cu Huan a haya? (Revelacion 4:4)

12. Cua simiña Hesus a describi como esun “mas chikito cu tur otro simiña cu tin riba tera”? (Marco 4:31)

13. Ken ta e dos hombernan cu Pablo a pidi pa “bin serca dje mas lihe posibel”, ora el a yega Atenas durante su di dos biahe como misionero? (Echonan 17:15)

14. Ken ta Yehova su Adversario principal? (Job 1:6)

15. Ken a reprende Ana eroneamente pasobra el a pensa cu e tawata burachi? (1 Samuel 1:12-16)

16. Ken tawata e homber “perverso” cu a rebela contra David y a pone cu tur e hombernan di Israel a siguie, cu excepcion di esnan di e cas di Huda? (2 Samuel 20:1, 2)

17. Kico e Israelitanan tawata come na Egipto cu nan a anhela di come en bes di e mana cu nan a haya milagrosamente den desierto? (Numbernan 11:5)

Contestanan di e Quiz

1. Plata

2. E Exodo

3. Tres

4. Fe, speransa y amor

5. Nan ta sin bida, y ta hende a traha nan

6. Nan mester ta bisti apropiado, decente y modera, “manera ta pas pa mohenan cu ta teme Dios”

7. Pasobra el “a persigui e iglesia di Dios”

8. “Un cacumbein di burico”

9. Tiracochi

10. “Ata e Lamchi di Dios!”

11. Huan a mira 24 anciano, kendenan ta representa Hesus su siguidonan ungi cu ta sigui su pasonan den nan posicion celestial

12. “Un simiña di mosterd”

13. Silas cu Timoteo

14. Satanas

15. Sumo Sacerdote Eli

16. Seba

17. Pisca, concomber, milon, prei, siboyo y conoflok