Bo Sa e Contesta?

(Por haya e contestanan di e quiz aki den e textonan di Bijbel tras di e preguntanan, y e lista completo di contesta ta na pagina 30. Pa mas informacion, consulta e publicacion na Spaño “Perspicasia pa Compronde e Scritura”, publica door di Testigonan di Yehova.)

1. Pa mustra nos e importancia di no “bai bek” na e cosnan cu nos a laga atras, riba ken Hesucristo ta urgi nos pa corda? (Lucas 17:31, 32)

2. Den Hesus su ilustracion di e sembrado, pakico e simiña cu a nace den piedra a seca? (Marco 4:5, 6)

3. E echo cu Hesus resusita lo a sinta na “man drechi” di Yehova ta nifica kico? (Echonan 2:34)

4. Ken ta e unico Suhita menciona den Bijbel? (Job 8:1)

5. Ki nomber Dios a duna Yacob ora e tawatin rond di 97 aña di edad? (Genesis 32:28)

6. Aunke Saul tawata desobediente na Dios y a persigui David, pakico David no a mata Saul ora el a haya un chens pa haci esei? (1 Samuel 26:7-11)

7. Como cumplimento di Yehova su palabra, ki bestia a habraca Jezabel? (2 Reinan 9:36)

8. Cua tawata e prome luga menciona den Bijbel caminda e Israelitanan a para ora nan tawata bayendo direccion di Lama Cora? (Exodo 12:37)

9. Segun Santiago, ki forma di adoracion ta “puro y sin mancha den bista di nos Dios”? (Santiago 1:27)

10. Segun loke a ser revela na Daniel, den ki periodo di tempo e Mesias lo a aparece pa despues ser corta? (Daniel 9:24-27)

11. Kico Hesus a bisa lo “wordo predica den henter mundo como un testimonio na tur nacion” prome cu e fin yega? (Mateo 24:14)

12. Kico ta “e obranan di carni” cu ta stroba un persona di hereda e Reino di Dios? (Galationan 5:19-21)

13. Kico ta pone cu Yehova por husga un persona cu exactitud? (1 Samuel 16:7)

14. Prome cu Amos a ser scohi como profeta, ki trabou e tawata haci? (Amos 7:14)

15. Kico Hesus tawata kiermen ora el a bisa cu su disipelnan mester “odia” nan famia? (Lucas 14:26)

Contestanan di e Quiz

1. “Lot su esposa”

2. Door cu e no tawatin raiz y pesei e no por a wanta e solo cu tawata kima

3. Cu Hesus lo a haya e posicion di mas importante banda di Yehova mes

4. Bildad, un di e tres compañeronan di Job

5. Israel

6. Ta Yehova a ungi Saul, pesei David a laga e asunto den man di Yehova

7. Cacho

8. Sucot

9. “Bishita huerfano y biuda den nan afliccion, y conserva bo mes liber di mancha di mundo”

10. “Setenta siman”

11. “E evangelio [of, bon nobo] di e reino”

12. “Inmoralidad, impuresa, sensualidad, idolatria, bruheria, hostilidad, bringamento, yalursheid, rabiamento, pleitamento, desacuerdo, doctrina falso, envidia, buracheria, parandiamento, y cosnan asin’aki”

13. Yehova “ta wak curason”

14. E tawata “un wardado di bestia y un plantado di palo di figo”

15. Cu nan tin cu stima nan famia menos cu Hesus