LES 36

Sea Honesto den Tur Cos

Edicion Imprimi

Tur hende kier tin amigo cu ta honesto. Jehova tambe kier pa su amigonan ta honesto. Pero no ta facil pa ta honesto den un mundo caminda hopi hende no ta honesto. Kico ta algun beneficio cu nos lo haya si nos ta honesto den tur cos?

1. Cua ta e motibo di mas importante pa ta honesto?

Ora nos ta honesto cu otro hende, nos ta mustra Jehova cu nos ta stim’e y respet’e. Corda cu Jehova ta consciente di tur loke nos ta pensa y haci. (Hebreonan 4:13) Ora nos scoge pa ta honesto, Jehova ta mira esey, y nos lo hacie feliz. Su Palabra ta bisa: “Jehova ta detesta hende astuto. E tin amistad cera cu hende recto.”—Proverbionan 3:32.

2. Con nos por demostra den nos bida diario cu nos ta honesto?

Jehova kier pa nos “papia berdad [...] cu otro.” (Zacarias 8:16, 17) Kico esey ta encera? Sea nos ta papia cu famia, colega di trabou, nos rumannan di congregacion of funcionario di gobierno, nos no ta gaña ni duna informacion cu por laga nan yega na un conclusion robes. Hende honesto no ta horta ni comete fraude. (Lesa Proverbionan 24:28 y Efesionan 4:28.) Ademas, nan ta paga tur belasting cu nan debe. (Romanonan 13:5-7) Pues, nos kier “comporta nos mes na un manera honesto den tur cos.”—Hebreonan 13:18.

3. Kico ta e beneficionan di ta honesto?

Si nos ta conoci como persona honesto, otro hende lo confia nos. Tambe nos lo yuda tur hende den congregacion sinti nan safe, mescos cu den un famia. Y nos lo tin un consenshi limpi. Ademas, ora nos ta honesto, nos ta “dorna e siñansa di nos Salbador, Dios”, y ta duna otro hende gana di siña e berdad.—Tito 2:10.

KICO MAS NOS POR SIÑA?

Laga nos wak con Jehova ta sintie ora nos ta honesto y con nos ta beneficia ora nos ta honesto. Laga nos wak tambe con nos por ta honesto den varios aspecto di nos bida.

4. Jehova ta contento ora nos ta honesto

Lesa Salmo 44:21 y Malakias 3:16. Despues, analisa e siguiente preguntanan:

Dicon no ta sabi pa pensa cu nos por sconde e berdad for di Jehova?
Con bo ta kere Jehova ta sintie ora nos ta papia berdad hasta ora esey no ta facil?

Un mucha ta papia cu su tata cu ta na rudia y ta mir’e den su wowo. Un glas di juice a basha riba mesa. — Ora mucha ta papia berdad, nan ta haci nan mayornan contento. Ora nos ta papia berdad, nos ta haci Jehova contento

5. Semper nos mester ta honesto

Hopi hende ta pensa cu no ta cumbini pa semper ta honesto. Pero wak dicon nos mester ta honesto na tur momento. Pasa e VIDEO.

VIDEO: Kiko Ta Kontribuí na Nos Felisidat?—Un Konsenshi Limpi (2:32)

Escena di e video “Kiko Ta Kontribuí na Nos Felisidat?—Un Konsenshi Limpi.” Despues cu Ben a bisa su doño di trabou cu el a haci un eror cu lo costa nan hopi placa, nan ta duna otro man.

Lesa Hebreonan 13:18. Despues, analisa con nos por ta honesto ...

cu nos famia.
na trabou of na scol.
den otro situacion.

6. E beneficionan di ta honesto

Tin biaha, ora nos ta honesto, nos por haya nos cu problema. Pero a lo largo, semper ta mihor pa ta honesto. Lesa Salmo 34:12-16. Despues, analisa e siguiente pregunta: