PREGUNTA CU BIJBEL TA CONTESTA

Con un matrimonio por ta feliz?

E consehonan cu Bijbel ta duna tocante con nos por logra un matrimonio feliz ta duna resultado, pasobra nan ta bin di Esun cu a origina matrimonio, esta, Jehova Dios. Su Palabra ta anima nos pa desaroya cualidadnan cu por haci nos matrimonio feliz y ta spierta nos pa evita e actitudnan cu por caba cu nos matrimonio. Tambe e ta siña nos con pa comunica mihor cu nos casa, locual ta aumenta felicidad den matrimonio.—Lesa Colosensenan 3:8-10, 12-14.

Esposo y esposa mester respeta otro. Ora tur dos ta cumpli cu e papel cu Dios a duna nan den matrimonio, nan por ta feliz.—Lesa Colosensenan 3:18, 19.

Kico por yuda un matrimonio dura largo?

Si un pareha casa ta stima otro, nan union lo dura. Dios ta siña nos con pa stima. Tanto e como su yiu, Hesus, a pone un ehempel perfecto pa nos den mustra amor di sacrificio propio.—Lesa 1 Juan 4:7, 8, 19.

Ora esposo y esposa ta respeta nan matrimonio como un areglo di Dios, nan lo keda hunto. Dios a crea matrimonio como un union permanente entre un homber y un muher pa asina e famia por ta proteha. Matrimonio por dura pasobra Dios a crea homber y muher pa complementa otro tanto den sentido fisico como emocional. Ademas, el a crea nan den su imagen, pues cu e capacidad di por imita su amor.—Lesa Genesis 1:27; 2:18, 24.