PREGUNTA CU BIJBEL TA CONTESTA

Ken realmente ta e gobernante di mundo?

Hopi hende ta kere cu e Dios berdadero ta e gobernante di mundo. Pero si esey ta e caso, pakico tin asina tanto sufrimento? (Deuteronomio 32:4, 5) Segun Bijbel, mundo ta bou di control di un persona malbado.—Lesa 1 Juan 5:19.

Con un persona malbado por a logra haya dominio riba humanidad? Na principio di historia humano, un angel a rebela contra Dios y el a instiga e prome pareha pa nan tambe rebela contra Dios. (Genesis 3:1-6) E pareha ey a dicidi di obedece e angel rebelde, Satanas, y asina el a bira nan gobernante. Ta e Dios Todopoderoso so tin derecho di ta gobernante di mundo, pero e kier pa hende scoge e como gobernante pasobra nan ta stim’e. (Deuteronomio 6:6; 30:16, 19) Lamentablemente, gran parti di humanidad a cay den Satanas su trampa, esta, nan a tuma e mesun mal decision cu e prome pareha.—Lesa Revelacion 12:9.

Ken lo soluciona problema di hende?

Dios lo permiti Satanas pa sigui goberna? Claro cu no! Dios lo laga Hesus drecha tur e daño cu Satanas a causa.—Lesa 1 Juan 3:8.

Si, Dios a duna Hesus autoridad pa destrui Satanas. (Romanonan 16:20) Despues, Dios mes lo goberna humanidad y duna hende e paz y felicidad cu Adam cu Eva tabatin na principio.—Lesa Revelacion 21:3-5.