KICO BIJBEL TA BISA?

Kico ta sosode ora nos muri?

ALGUN HENDE TA KERE cu nos ta sigui biba den un otro region. Otronan ta kere cu morto ta fin di tur cos. Kico abo ta kere?

LOKE BIJBEL TA BISA

“E mortonan no sa nada.” (Eclesiastes 9:5) Ora nos muri, nos ta stop di existi.

KICO MAS NOS POR SIÑA FOR DI BIJBEL?

• E prome homber, Adam, a bolbe na stof ora el a muri. (Genesis 2:7; 3:19) Mescos tambe, ora nos muri, nos ta bolbe bira stof.—Eclesiastes 3:19, 20.

• Ora un hende muri, Dios ta pordona su picanan. (Romanonan 6:7) Hende cu muri no ta haya castigo despues di morto.

E mortonan por bolbe biba?

KICO LO BO CONTESTA?

• Si

• No

• Kisas

LOKE BIJBEL TA BISA

“Lo bay tin un resureccion.” —Echonan 24:15.

KICO MAS NOS POR SIÑA FOR DI BIJBEL?

• Hopi biaha Bijbel ta compara morto cu soño. (Juan 11:11-14) Dios por lanta e mortonan mescos cu ora nos ta lanta un persona for di soño.—Job 14:13-15.

• Den Bijbel tin diferente relato di resureccion. Esaki ta convence nos cu e mortonan lo resucita.—1 Reynan 17:17-24; Lucas 7:11-17; Juan 11:39-44.