Algun Sugerencia

Pa Cuminsa Estudio di Bijbel Riba e Prome Diasabra di Mei

“Un cos cu nos tur tin en comun ta cu nos tur ta comete eror. Bo a yega di puntra bo mes si Dios ta pordona pica grave?” [Permiti e persona contesta.] Mustra e persona e articulo na pagina 15 di E Toren di Vigilancia di 1 di mei, y trata e informacion bou di e prome pregunta y lesa maske ta un di e textonan cu ne. Ofrec’e e revista y traha un afspraak pa trata e siguiente pregunta.

E Toren di Vigilancia 1 di Mei

“Nos tin gana di sa kico bo ta pensa di e palabranan aki. [Lesa 1 Juan 4:8.] Hopi hende ta di acuerdo cu e texto aki, pero otronan ta haya cu Dios ta cruel pasobra nan ta pensa cu ta e ta causa of por lo menos permiti desaster natural. Kico ta bo opinion? [Permiti e persona contesta.] E revista aki lo trece algun rasonamento logico cu ta mustra dicon nos no por bisa cu Dios ta cruel.”

¡Despertad! Mei

“Nos ta bishitando bo awe pa papia di un problema alarmante: criminalidad. Algun hende ta pensa cu pa controla criminalidad mester tin mas polis riba caya. Kico abo ta pensa? [Permiti e persona contesta.] Bo tabata sa cu Bijbel ta priminti cu lo bin un fin na criminalidad? [Lesa Salmo 37:10, 11.] E revista aki lo trata e promesa ey y duna algun sugerencia practico cu por yuda nos proteha nos mes di criminalidad.”