Repaso di Scol di Ministerio Teocratico
Lo considera e siguiente preguntanan na e Scol di Ministerio Teocratico den e siman di 29 di juni 2015. E fecha prome cu e referencia ta indica e siman cu lo trata e informacion, ya asina cada ken por haci investigacion ora e ta prepara tur siman pa e scol.
Dicon e manera cu Mical a papia cu David no tabata bon, y ki les parehanan casa por siña for di e relato aki? (2 Sam. 6:20-23) [11 di mei, w11-S 1/8 pag. 12 par. 1]
Con profeta Natan a reacciona ora cu Jehova a corigie pasobra el a bisa David pa dal bay cu su plan pa construi e tempel pa Jehova? (2 Sam. 7:2, 3) [11 di mei, w12-S 15/2 pag. 24 par. 6-7]
Dicon Natan a conta David e ilustracion cu ta para skirbi na 2 Samuel 12:1 pa 7 en bes di djis bis’e cu e tabata culpabel di pica serio? Con e relato aki por yuda nos bira un mihor maestro? [18 di mei, w12-S 15/2 pag. 24 par. 2-3]
Con bin Absalon por a gaña e Israelitanan asina facil, y con nos por evita hende cu ta actua manera Absalon awe? (2 Sam. 15:6) [25 di mei, w12 1/7 pag. 18 par. 7]
Con Jehova a yuda David ora e tabata den gran necesidad, y ki les nos por siña for di esey? (2 Sam. 17:27-29) [1 di juni, w08-PA 1/9 pag. 14 par. 15-16]
Kico nos por siña for di e manera cu David a trata e stranhero Itai? (2 Sam. 18:2) [1 di juni, w09-S 15/5 pag. 27 par. 7]
Kico esnan di edad den congregacion por siña for di e ehempel di Barzilai? (2 Sam. 19:33-35) [8 di juni, w07-S 15/7 pag. 15 par. 1-2]
Ki siguransa nos ta haya for di e palabranan di David tocante lealtad? (2 Sam. 22:26) [15 di juni, w10-S 1/6 pag. 26 par. 6-7]
Con Natan a mustra lealtad na Dios, y con nos por imit’e awe? (1 Rey. 1:11-14) [22 di juni, w12-S 15/2 pag. 25 par. 1, 4-5]
Con un sirbidor di Dios lo por uza excuus pa keda sin cumpli cu e mandamentonan di Dios, manera Salomon probablemente a haci? (1 Rey. 3:1) [29 di juni, w11-PA 1/12 pag. 12-13 par. 12-14]