Bo Mes Por Scoge Bo Futuro

Mas o menos 3.500 aña pasa, Jehova Dios a bisa su sirbidornan kico nan mester haci pa nan por tin un futuro sigur. El a bisa nan: “Mi a pone bida y morto boso dilanti, e bendicion y e maldicion. Pesey, scoge bida pa bo biba, abo y bo descendientenan.”—Deuteronomio 30:19.

Pa e hendenan ey por tabatin un bon futuro, nan mester a tuma e decision corecto. Awe nos tin e mesun opcionnan nos dilanti. Bijbel ta splica kico bo mester haci pa scoge un futuro sigur: “Stima SEÑOR bo Dios” y “obedece su bos.”—Deuteronomio 30:20.

CON NOS POR STIMA JEHOVA Y SCUCHA SU BOS?

STUDIA BIJBEL: Pa bo por stima Jehova, e prome cos cu bo mester haci ta siña tocante dje for di Bijbel. Segun cu bo ta studia Bijbel, lo bo ripara cu e ta un Dios amoroso cu kier loke ta mihor pa bo. E ta invita bo pa haci oracion na dje “pasobra e ta interesa den [bo].” (1 Pedro 5:7) Bijbel ta priminti cu si bo haci esfuerso pa siña tocante Dios, “lo e hala cerca [bo].”—Santiago 4:8.

PONE NA PRACTICA LOKE BO TA SIÑA: Scucha Dios ta nifica cu nos ta sigui su guia sabi cu tin den Bijbel. Si bo haci esey, “lo bo ... prospera, y e ora ey lo bo tin exito.”—Josue 1:8.