Testigonan di Jehova Tin cu Duna Diesmo?

No, testigonan di Jehova no tin cu duna diesmo; nos trabou ta ser financia door di donacion boluntario. Kico ta diesmo, y pakico testigonan di Jehova no ta duna diesmo?

E mandamento pa duna diesmo, es decir, pa duna dies porciento di bo entrada, tabata parti di e Ley cu Dios a duna e nacion di Israel di antiguedad. Sinembargo, Bijbel ta mustra bon cla cu e Ley aki, locual ta inclui e mandamento pa duna diesmo, no ta aplica na cristiannan.​—Hebreonan 7:5, 18; Colosensenan 2:13, 14.

Na luga di duna diesmo, testigonan di Jehova ta haci mescos cu e cristiannan di prome siglo y ta apoya e trabou di predica na dos manera. Nan ta predica sin ricibi pago y ta duna contribucion boluntario.

Pues, nos ta sigui loke Bijbel ta bisa cristiannan pa haci: “Laga cada hende haci manera el a dicidi den su curason, no di mala gana, ni forsa, pasobra Dios ta stima hende cu ta duna cu alegria.”​—2 Corintionan 9:7.