Ngerang a telbilel a Biblia el kirel a ngar medad el klebesei?

“A re melemalt a mo ungilbesrir el kiei er a chelsel a beluu e mo oubeluu er ngii el di blechoel.”

Psalm 37:29

“A beluulchad a di ua isei el mo cherechar.”

Olisechakl 1:4

“Ngiil Rubak el DIOS a mo okngemedii a kodall me ng mo diak el mo cherechar. Ng mo mesuld a iuechel a mederir a re bek el chad.”

Isaia 25:8

“A re meiko a mo sebechir el omes, ma re mechad a mo orrenges. A re chitechut a mo melechesokl e meloik, me tirkel bengong a mo oldiu er a deurreng. A omoachel a mo omaoch er a ked.”

Isaia 35:5, 6

“Ng mo smuld a rokui el chiuosech er a mederir. Ng dikea lluut el mor ngii a kodall, e mo diak a klengiterreng, ma langel, ma ringel. A di mla tekoi a mla mo diak.”

Ocholt 21:4

“A re chad a mo toketek a blai e mo kiei er ngii; el diak le ngodech el chad a mo ousbech. Te mo dualem a sers er a bilong, e mo dmeu a rengrir er a bilong; ng diak le kuk ngodech el chad a mo melim. A re chedak a mo kemanget a klengar er tir el ua kerrekar. Ng mo cherrungel a deuil a rengrir er a ikel uluureor el kirel.”

Isaia 65:21, 22