Chelitakl 24 (50)

A Nger er a Bltikerreng er a Dios

(1 Johanes 4:11)

1. Klou’l Dios, ke kot el ngar bab; betik a rengmam er kau,

Jehovah, ‘l redemelel a odanges.

Aki oldanges ra ngklem, ma Tekingem el bilskemam

Maki mesuub aike el rolem.

Kau a medemedemek, e melemalt a rolem;

Kolecholt a llomeserreng ma klisiich.

A Bades olecholt el kmo a bo ‘kim melemalt,

E koitelii a ngeltengat er bebmam.

2. Kulecholt a bltik’rreng; Me ngmotbechemam lokiu Kristus

El mo betik a rengmam le kor kau.

El mo meng’medaol ra ngklem, ma ultirem, ngmle a Kristus;

Ma klengar el mo cherechar al bilskemam.

Ngdiak a kuk klou’l bltik’rreng el ngii a mlad el kirir

Ar betok e sengk el klengar er ngii.

Me lak ki bo metemall, engsomam a klekerengel

E oltirakl aike el tekingel.

3. Tia’l klechad a diak longitechut ra omesiungam;

Aki ouchais aike el klemerang.

Diak locheraol lomesiou, aki mo churrengelii

A bltikerreng el mora rokui.

Sel kim dak el mesiou, a bltik’rreng ra tang ma tang

Lochotii ar mesiou ra Ngelekem.

A osengel ra Renged aki obang e aki mousbech;

‘Ki oureng ra telbilel el kmo “ngkmal ungil.”