Chelitakl 82 (183)

A Deruchellir a Rengeasek er Aike el Kiltmokl a Dios

(Psalm 148:12, 13)

1. A rokui’l chedal a Dios a ngar ngii a deruchellir.

Ngomekedong rar ngeasek mar mechuodel

El moldanges ra ngklel, mar ngeasek a kongei,

Ngara chutem el rokir touchais ra klumech.

Ngkol ua ngera’l klisichir ar sioning er tir!

Te kltmokl e ungil a blekerdelir!

Te mekreos ra osengel a Jehovah;

Toldeu a rengrir a remechuodel.

2. Ma rokui’l ngeasek el tir a medengelii a Jah,

Ngua ngera’l klou’l deurreng er sel sils!

Ka molatk ngera mor ngii ra ngar mederir

—A klengar ra Paradis el mo cherechar!

Engdi chelecha’l taem kede chemau a uldikl

Er tia’l klechad el di kmedu’ engmo nguemed.

Ngkired el mesisiich lomtok er ngii;

Me doba llemalt el kirel a Renged.

3. A ungil el klausechelei ra delongelir ar chedal a Jah.

Ngera me tosiik rar chad er tia’l klechad?

Te meleketek ra klungiolir,

Bo lobkais aike’l chedaol llechukl ra Dios.

Mal bor ngii a mondai bo losiik rar melatk er tir,

Me louchais aike’l ngar chelsel a rengrir.

A kot el ungil Sechelirir a Jehovah;

Te metik er ngii el chub’chub’chad.

4. Kid a chedal a ongdibel ra Kristiano,

Ma Jesus a meskid a bek el dousbech.

Loba llemalt me bo dengar bita er ngii;

E bo dolengesenges aike’l llechul.

Lak bo de mechetikaik er tia’l klechad;

Bai dultuil ra Jehovah ma Tekingel.

Bo le blak a rengrir ar ngeasek mar meklou,

Bo luchul a klengar el mo cherechar.