1 el Suobel

A Dios A Mengemedaol Er Kau El Mo Sechelil

A Dios a soal obo msechelil. Ke mle ta el momdasu el kmo ngsebechem el mo sechelil ngike el kot el ngar er a bab el Chad er a eanged ma chutem? A Abraham, el kiliei er a ngar er a mong, a mlokedongall el kmo sechelil a Dios. (Jakobus 2:23) A rekuk bebil el losaod er tir er a chelsel a Biblia a dirrek el uleldeu a rengrir er a klausechelei er tir ma Dios e mlukngeltengat. Chelecha el sils, e a rechad er a bek el merekelel tia el chutem a mla mo sechelil a Dios. E ngdirrek el sebechem el mo sechelil a Dios.

A bo desechelil a Dios e ngkuk ungil er a bo desechelil a ngii di el chad. A Dios a kmal diak el lolemall a rengrir a remera el sechelil. (Psalm 18:25) A bo desechelil a Dios e ngkuk ungil er a kerruul. Sel lemad a merau el chad, e a ududel a mo er a rebebil. Engdi, tirke el oldeu a rengrir er a klausechelei el obengkel a Dios a ngar er ngii er tir a kmal mekreos el tekoi el diak a sebechel el nguu.—Matteus 6:19.

A rebebil el chad a locha mo melasem el torbengau el mo mesuub el kirel a Dios. Ngmo lmuut er a bebil er a resechelim ma rechedam a sebechir el mo meruul er tiang. (Matteus 10:36,37) A lsekum a rekuk bebil a melenguul er kau ma lechub e te omekdakt er kau, e di lekau el oker er kau el kmo, ‘Ngsoak el mo odeuir a rengul a techang—a rechad ma lechub e ng Dios?’ Ka molatk er tiang: Oleko chad a dilu er kau el kmo lak momengur, ke mo olengesenges er ngii? Ngkmal diak! Ke ousbech a kall el melemolem el ngar. Engdi Dios a sebechel el rullau el mo kiei el mo cherechar! Ma leuaisei kele mkengei er a ngii di el chad el mo torbengau el mo mesuub er a rolel el sebechem el mo sechelil a Dios.—Johanes 17:3.