PART 6

Ngera Kede Suubii er a Klou el Ieleb?

Me a Dios a ulekngemedeterir a remekngit engdi ngulsebelii a Noah me a telungalek er ngii. Genesis 7:11, 12, 23

A arhe a ombibechakl, e a remekngit el chad a riros, e a remekngit el anghel el ulemtok a chiloit a bedengir er a klechad

Ngmle chull el 40 el sils me a 40 el klebesei me a ralm a mle ielebii a beluulechad el rokir. Me a rokui el mekngit el chad a mlad.

Me tirke el anghel el ulemtok a chiloit a bedengir er a klechad e di millemolem el mekngit el anghel.

A Noah me a telungalek er ngii, me a charm a tilobed er a chelsel a arhe e a orrekim a mlo chemolt er a eanged

Tirke el mla er a chelsel a arhe a silobel. Me alta e a Noah me a telungalek er ngii a mlad er a uriul, engdi a Dios a mo olekiis er tir e mesterir a techall el mo kiei el diak a ulebengelel.

A Dios a lmuut el mo okngemedeterir a remekngit e olsobel er a remelemalt el chad. Matteus 24:37-39

A Satan me a remekngit el anghel er ngii a ousbech a kakerous el rolel el mengeuid er a rechad

A Satan me a remekngit el anghel er ngii a dirk melemolem el mengeuid er a rechad.

Chelecha el sils, a di ua sel taem er a Noah, el betok a rechad el oltngakl a ulekrael el mla er a Jehovah el mei. Ngdi telkib kung e a Jehovah a mo okngemedeterir a rokui el mekngit el chad.—2 Petrus 2:5, 6.

A Resioning er a Jehovah a omerk er a klumech el mo er a chad el ousbech er a Biblia, e a chad a menguiu er a Biblia

A rebebil er a rechad a di ua Noah. Te olengesenges er a Dios e meruul a soal, e tirkang a Resioning er a Jehovah.