Ngerang a Mo Uchul a Deurreng er a Telungalek?

AIKE EL LOLEKOI A BIBLIA

“Te bai ngeltengat tirkel rongesii a tekingel a Dios e mo oltirakl er ngii!”​—Lukas 11:28.

A BELKUL TIA EL TEKOI EL KIREM

Metik er a mera el bltikerreng.​—Efesus 5:28, 29.

Dmeu a rengum e le ngmocholt a omengull er a delongeliu.​—Efesus 5:33.

Mo er ngii a mera el ulekerreu.​—Markus 10:6-9.

NGMERA EL SEBECHED EL OUMERANG A LOLEKOI A BIBLIA?

Chochoi, kesengil e ngar er ngii a eru el uchul:

• A Dios a Uchelel a klengar er a telungalek. A Biblia a melekoi el kmo a “bek el ongalek . . . a ngmai a ngklir” er a Jehovah el Dios. (Efesus 3:14, 15) Tiang a belkul a kmo a telungalek a ngar er ngii e le ng Jehovah a uchul. E ngera me tia el tekoi a klou a ultutelel?

  Ka molatk er tiang: A lsekum e ke milengang er a kmal ungil el kall e soam el mo medengei el kmo ngera ngar er a chelsel, e ke oker er techang? Ke ulterekokl el oker er ngike el chad el mirruul er ngii.

  Me ngdi osisiu, a lsoad el mo medengei aike el uchul e ngmo er ngii a deurreng er a telungalek er kid, e ngkired el mo er a Jehovah, el ngii a Uchelel a telungalek.​—Genesis 2:18-24.

• A Dios a omekerreu er kau. Ngungil a lsekum a bek el telungalek a mo er a Jehovah el kirel a ngeso, el ngii a lomesterir el okiu a Tekingel. E ngera uchul? “Ele ng kerekikl el omekerreu er kemiu.” (1 Petrus 5:6, 7) A Jehovah a kmal ungil medengei aike el mousbech, e a ulekrael er ngii a blechoel el ungil!​—Osisechakl 3:5, 6; Isaia 48:17, 18.