A Dios a Milebii a Eanged me a Chutem

A Jehovah el Dios a Ulemeob er kid. Ngriruul a rokui el tekoi el sebeched el mes me aike el diak el sebeched el mes. A uchei er a lomeob aike el tekoi el sebeched el mes, e ngmilebeteterir a rebetok el anghel. Kau, ke medengei el kmo te ngera rechanghel? A rechanghel a di ua Jehovah. Ngdiak el sebeched el mesterir el di uaikid el diak el sebeched el mesa Dios. Ngike el kot el anghel a mlo ngelsuil a Jehovah. Ngika el anghel a ullengeseu er a Jehovah lomeob a btuch, planet, me a rokui el tekoi. A ta er a planet el lebilebii a beluulechad, el ngii a delengchekled.

A Jehovah a kiltmeklii a beluulechad me bo lsebechel a charm me a rechad el kiei er ngii. Ngrirellii a sils el mo melidiich er a beluulechad. Ngmileob a rois, daob, me a omoachel.

Ngera next el dilubech? A Jehovah dilu el kmo: ‘Ak mo remuul a chudel me a dellomel me a kerrekar.’ Me ngdilubech a kakerous el rodech, iasai, me a bung. A Jehovah mlo merek e meob a rokui el charm el suebek, charm er a daob, turturk el charm, me a meklou me a mekekerei el charm. Ngriruul a mekekerei el charm el ua chusangi, me a meklou el charm el ua elephant. Kau, ngngera kot el soam el charm?

Seikid e a Jehovah dilu er ngike el kot el anghel el kmo: “Chelechang e bo debebii a chad.” A rechad a mo ngodech er a charm. Ngsebechir el melibech a beches el tekoi. E sebechir el mengedecheduch, ocherchur, e meluluuch. Te mo omekerreu er a beluulechad me a charm. Kau, ke medengei el kmo ngtecha ngike el kot el chad? Ka me bo desang.