Rolel e ke mui el ngmai a klungiolem er a omesubem er a Biblia
Molengit er a chad me losuub lobengkem: Molengit er ngike el milskau tia el brochure me losuub lobengkem me a lechub em submit er a ongtim er a website er kemam el jw.org/pau.
UCHELEL
Monguiu a derta el parakurab el uldimukl aike el smiich a chesengel el ker (A) me a bades (B) el ngii a melisiich aike el meklou a ultutelel tekoi er a suobel. Mutebengii el kmo a bebil bades a kmo “monguiu.”
MELENGEL
Sel llechukl (C) er a cheungel a Bom Dmolech el Merriter a ouchais a tekoi el mo soadel. Aike el mekekerei el dai (D) a ouchais aike el meklou a ultutelel. Monguiu aike el bades, monger aike el ker, e momes aike el video (E).
Morriter a siasing me aike el llechukl er cheungel (F), e molatk er a rolel e ke mo onger er A Rebebil a Kmo (G).
ULEBENGELEL
A Summary me a Review (H) a mo chosmerii a suobel. Mlechesii a date er sel sils el mrirekir a suobel. Turrekong (I) a meskau a tekoi el bo moureor el kirel. A Lsebechem e Momes (J) a meskau a lmuut el bebil er a tekoi el sebechem el menguiu me a lechub e ke omes.
Rolel e ke metik a bades er a Biblia
A bades a obechobech el kot e ngngklel a babier er a Biblia (A), e ngmo bliongel (B), e mo kekerei el bades (C). El ua tiang, a Johanes 17:3 a melutk el kirel a babier er a Johanes er a 17 el bliongel er a 3 el kekerei el bades.