Ngera Me Ngkirem el Mo Semeriar er a Biblia?

A Biblia a kot el merael a chisel el babier er a beluulechad el rokir. E ngera uchul? E le ngbeot er a rebetok el chad el omtab a tekoi er a chelsel. Ngar er ngii a cheldecheduch el mesaod er a klengar er a remera el chad me a deleuill er tir me a rebebil me a dirrek el deleuill er tir me a Dios. Aika el cheldecheduch a beot e bleketakl a osisechakl er a chelsel el sebechel el moiuid el mo er a betok el dart el omelekoi e sebechir a rechad el kiei er a ngii di el ker me a ngii di el taem el mo medengei a belkul. A omellach er a Biblia a blechoel el mo uchul a klungioled.

A kot el klou a ultutelel a kmo a Biblia a mesaod el kmo ngdiak di el babier el kirel a Dios e ngbai dirrek el mla er a Dios el mei. Ngochotii a ngklel a Dios me a blekerdelel me sel diak lemengodech el moktek er ngii er sera lebebii a chutem me a rechad. A Biblia a dirrek el mesaod el kirel a kemanget el ultok er a delongelel a ungil me a mekngit, ngungil cheldecheduch el kirel a eanged me a chutem el ungil a ulebengelel. A donguiu er a Biblia el diak a mengesang er a uldesued e ngsebeched el kutmeklii a omekedecheraol el kirel a klaumerang me a omelatk.

Ngar er a Biblia, e kede metik a omesodel a tekoi el diak el sebeched el metik er a ngii di el ker. El ua tiang, a Biblia a mesaod a klemerang el kirel a chouaika el suobel el kmo:

• Kede mla er ker el mei e ngera uchul me kede chuarm

• Aike el lurruul a Dios el mo olsobel er a klechad

• Aike el lurruul a Jesus el kired

• Aike el tekoi el mo duubech el kirel a chutem me a rechad

Moutekangel el chemoit a sesei el bung el omes aike el ongingil el llel tia el babier e momtab a tekoi el losaod el kirel a Biblia.